إلى متى سنظل نحكم بقانون الغلابه

المساهمات : 131 تاريخ التسجيل : 28/05/2010

إلى متى سنظل نحكم بقانون الغلابه
كتب – رضا محمود
بدأ العمل بقانون الغلابه بعد قيام ثورة 23 يوليو 1952 وكان الهدف من هذا القانون هو حماية الغلابه ( وتقييدهم ) فى نفس الوقت حتى يظلوا غلابه. ومن هنا انقسم الشعب الى شريحتين ( غلابه – حكام ) فأصبح كل من يفكر فى تغيير وضعه ويحاول الخروج من قطيع الغلابه لابد أن يخرج عن قانون الغلابه ويخالفه وعند إذ يتعرض لبطش الحكام تحت مسمى مخالفه القانون واللوائح والقرارات الوزارية التى لم يعلم عنها أى شئ .
وكان هذا يصادفك اذا فكرت فى عمل أى مشروع ولو محل صغير تفاجأ بقائمة الأوراق المطلوبة ، ترخيص من الحى ، ملف ضريبى ، السجل التجارى ، تصريح من المطافى ( الدفاع المدنى ) ، تصريح من الوزارة التابع لها النشاط (الصحه ، التموين ، الثقافه) وموافقة أمن الدولة فى بعض الأنشطه التى لها علاقه بالثقافه والتعليم وهذا بخلاف الفيش والتشبيه وسلسله طويلة من التصاريح والأوراق المطلوبة ومن هنا تجد نفسك واقف ما بين خيارين أحلاهم مر ، الحل الأول أن تمشى قانونى وساعتها تضيع كل الفلوس اللى معاك فى التصاريح والأوراق ، والحل الثانى أنك تشتغل من غير أوراق وتدفع رشوى لأى حد يجيلك من الجهات التى ذكرناها من قبل والحكومة فوق تسيبك تشتغل ولما تكبر شويه وتنجح قدامك برده حلين أحلاهم مر ، إما إنك تنافق الحكومة وتسكت على أى حاجه يقولوها ، أو تتكلم وتقول رأيك وتتعرض للعقاب وغلق المشروع لأنه مخالف للقانون وساعتها يطبق عليك قانون الغلابه وممكن تدخل السجن كمان ، والغريب واللافت للنظر بعد ثورة 25 يناير 2011 والشعارات التى أطلقها الثوار اللى هى (عدالة ، حريه ، كرامه انسانيه) لقينا نفسنا لسه بنتعامل بقانون الغلابه بس المرة دى الغلابه زادوا لما أنضم ليهم رجال الأعمال والوزراء الذين كانوا يتعاملون مع النظام السابق لأن الحكومة اللى بتحميهم مشيت وجت حكومة جديدة وكأن الثورة قامت من أجل الانتقام من مجموعه أشخاص واستبدالهم بآخرين فى رعايه القانون الخالد ( قانون الغلابه ) !!!!!!